Shqipëria shpall "non grata" dy shtetas të Maqedonisë së Veriut
Në listën e ndaluar: Valon Bela, aktivist i Lëvizjes Besa, dhe hoxha Bekir Halimi, pas verifikimit nga Njësia Antiterror.
TIRANË — Ministria e Brendshme shpalli "non grata" dy shtetas të Maqedonisë së Veriut, për të cilët autoritetet shqiptare disponojnë të dhëna për veprimtari që cenojnë sigurinë dhe interesat e shtetit shqiptar.
Bëhet fjalë për Valon Beljan, i njohur edhe si Valjon Bela, dhe Bekir Halimin, të dy me shtetësi të Maqedonisë së Veriut. Valon Bela është politikan dhe aktivist i Lëvizjes Besa, ndërsa Bekir Halimi është hoxhë dhe teolog në shtetin fqinj.
Vendimi u mor në kuadër të masave ndaj individëve që konsiderohen rrezik potencial për sigurinë kombëtare. Sipas burimeve zyrtare, informacionet që çuan në vendim u mblodhën dhe verifikuan edhe me kontributin e Njësisë Antiterror të Policisë së Shtetit.
Burim: Report Tv
— Redaksia ZHURMA
