Çfarë tregon Eurostat-i për çmimin e karburantit në Shqipëri?
Indeksi i çmimeve arriti 110.5% të mesatares së BE-së — Shqipëria radhitet e pesta në Evropë për karburantin më të shtrenjtë.
TIRANË — Pavarësisht se Shqipëria radhitet ndër vendet me të ardhurat më të ulëta në Evropë, qytetarët e saj paguajnë 10.5% më shumë se mesatarja e Bashkimit Europian për karburant. Të dhënat e Eurostat-it për vitin 2025 tregojnë se indeksi i çmimeve për karburantet dhe lubrifikantët ka arritur në 110.5% të mesatares së BE-së.
Raporti bazohet në metodologjinë e fuqisë blerëse (PPP), e cila mat koston reale të mallrave duke marrë parasysh nivelin e të ardhurave në secilin vend. Kjo metodë zbulon se, krahasuar me fuqinë blerëse, një konsumator shqiptar duhet të shpenzojë dukshëm më shumë për të njëjtën sasi karburanti.
Sipas renditjes europiane, Shqipëria pozicionohet e pesta për karburantet më të shtrenjta — pas Islandës, Danimarkës, Holandës e Zvicrës. Vendi rezulton gjithashtu më i shtrenjtë se shumica e vendeve të rajonit, pavarësisht se qytetarët shqiptarë kanë fuqi blerëse dukshëm më të ulët se homologët europianë.
Burim: IndeksOnline
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.