Pse një pjesë e sheshit “Xhorxh Bush” mbeti e papërfunduar?

PRISHTINË — Kryetari i Prishtinës, Përparim Rama, ka publikuar pamje nga ecuria e punimeve në sheshin “Xhorxh Bush”, duke deklaruar se projekti po hyn në fazën e finalizimit të disa segmenteve. Rama shpjegon se aktualisht po punohet në katër fronte njëkohësisht: demolimi i shtresës ekzistuese, vendosja e rrjetit të ri të ujësjellësit, punimet në pllakën betonarme dhe vendosja e pllakave të granitit.

Kryetari i komunës ka kritikuar institucionet qendrore, duke theksuar se gjysma tjetër e sheshit ka mbetur me asfalt dhe jofunksionale. Sipas Ramës, ky bllokim ka ndodhur sepse qeveria e konsideron këtë zonë si një trashëgimi kulturore, gjë që ka penguar plotësimin e hapësirës moderne për qytetarët.

Nga ana tjetër, ish-drejtori i Transformimit në Komunën e Prishtinës, Gezim Kastrati, e ka cilësuar miratimin e kërkesës për punimet e infrastrukturës nëntokësore si një hap të rëndësishëm. Kastrati e ka komentuar këtë zhvillim më 18 maj 2026, duke e cilësuar si një superlajm për vazhdimin e projektit në Kryeqytet.

Megjithatë, projekti është në qendër të një polemike financiare pas raportit të Zyrës Kombëtare të Auditimit (ZKA) për vitin 2025. ZKA konstatoi se Komuna ka kontraktuar projektin me vlerë 18.1 milionë euro, ndonëse në Ligjin e Buxhetit 2025–2027 ishin paraparë vetëm 1.55 milion euro, duke ngritur dyshime për mbulueshmërinë financiare.

Burim: Telegrafi
— Redaksia ZHURMA