Çfarë rreziku ka Kosova duke mos u bashkuar me projektin amerikan të gazit?

PRISHTINË — E ngarkuara me punë në Ambasadën amerikane në Prishtinë, Anu Prattipati, i ka bërë thirrje Kosovës të hyjë në partneritet afatgjatë energjetik me Shtetet e Bashkuara përmes projektit për gazin e lëngshëm natyror (\1), duke thënë se kjo do t'i ndihmonte ta sigurojë të ardhmen e vet energjetike.

Në një opinion për mediat kosovare të enjten, Prattipati tha se "së bashku, ne mund të forcojmë sigurinë energjetike dhe t'i rrisim ekonomitë tona krah për krah". Ajo citoi të dhënat e Doganës së Kosovës sipas të cilave vendi ka shpenzuar 735 milionë euro në importimin e energjisë elektrike nga vendet fqinje në katër vjetët e fundit — me rritje nga 142 milionë euro në vitin 2024 në 259 milionë euro në vitin 2025.

"Në të ardhmen e parashikueshme, përderisa çmimi dhe kërkesat për energji vazhdojnë të rriten, Kosova do të varet gjithnjë e më shumë nga fqinjët e saj", shkroi ajo. Prattipati citoi edhe të dërguarin e posaçëm të Departamentit amerikan të Energjisë, Joshua Volz, i cili tha më 10 maj se "sistemi energjetik në Kosovë ka nevojë urgjente për modernizim".

Kosova mbetet vendi i vetëm në \1 që nuk është përfshirë në projektet që zgjerojnë ndikimin energjetik të SHBA-së në rajon. Gjatë javëve të fundit, kur SHBA-ja ka nënshkruar marrëveshje miliardëshe me Shqipërinë, Kroacinë dhe Bosnjë e Hercegovinën, Kosova nuk ka qenë pjesë e kësaj vale investimesh. Rreth 90 për qind e energjisë elektrike të Kosovës prodhohet ende nga qymyri, dhe vetëm rreth 10 për qind vjen nga burime të ripërtëritshme.

Prattipati paralajmëroi se "mundësia për t'iu bashkuar këtyre projekteve po mbyllet", duke shtuar se eksportet e LNG-së amerikane pritet të dyfishohen deri në vitin 2030. "Vonesa e këtij vendimi rrezikon që furnizimet amerikane të LNG-së të zotohen diku tjetër dhe një gjë e tillë mund ta lërë Kosovën si vendin e vetëm në Ballkanin Perëndimor pa qasje në GNL-në amerikan", theksoi ajo.

Burim: Zëri
— Redaksia ZHURMA