SHBA reagon ndaj deklaratave të Vuçiqit për Ibrin

PRISHTINË — Departamenti Amerikan i Shtetit ka reaguar lidhur deklaratat e presidentit të Serbisë, Aleksandar Vuçiq, i cili ka thënë autoritetet serbe po shqyrtojnë me ekspertë mundësinë e ndryshimit të rrjedhës së Ibrit. Nga DASH për REL, kanë thënë se paqja dhe stabiliteti në Ballkanin Perëndimor janë prioritete të Shteteve të Bashkuara. “Normalizimi i marrëdhënieve ndërmjet Serbisë dhe Kosovës është pjesë e domosdoshme e këtij procesi”- tha një zëdhënës i Departamentit të Shtetit.

Bashkimi Evropian paralajmëroi se deklaratat e zyrtarëve serbë nuk kontribuojnë në normalizimin e marrëdhënieve ndërmjet Kosovës dhe Serbisë, proces që është kusht për përparimin e të dyja vendeve drejt anëtarësimit në BE.

Burimet: Kallxo; Shenja; Telegrafi; ATSH; Sinjali (klaster 13 outlets).