SHBA ofron shpërblim mbi programin bërthamor të Iranit

Qeveria e Shteteve të Bashkuara ka vënë në dispozicion një shpërblim deri në 20 milionë dollarë, së bashku me mundësinë e zhvendosjes, për çdo person që ofron të dhëna rreth programit të energjisë bërthamore të Iranit. Njoftimi zyrtar u bë përmes një postimi në platformën X nga Komanda Qendrore e Ushtrisë Amerikane, e cila saktësoi se të dhënat e kërkuara përfshijnë objektet, pajisjet dhe personelin e përfshirë në këtë program. Autoritetet amerikane vënë theksin te sigurimi i informacioneve për shkencëtarët që punojnë në këtë sektor, si dhe te lëvizjet e tyre dhe të mjeteve të lidhura me aktivitetin bërthamor të Republikës Islamike.