Çfarë përfshin paketa prej 14 milionë dollarësh e SHBA-së për Kosovën?
Departamenti i Shtetit njoftoi Kongresin për paketën e mbrojtjes, ndërsa një kongresist republikan kërkon presion ndaj Greqisë për të mos e bllokuar anëtarësimin.
PRISHTINË — Departamenti Amerikan i Shtetit ka njoftuar Kongresin për eksportimin e artikujve të mbrojtjes, të dhënave teknike dhe shërbimeve të mbrojtjes për Kosovën në vlerë prej 14 milionë dollarësh. Paketa përfshin dronë dhe sisteme moderne të mbrojtjes, si dhe mbështetje për transformimin e Forcës së Sigurisë së Kosovës në ushtri profesionale të denjë për anëtarësim në \1.
"Këtë e kanë dëshmuar edhe kongresistët e ndryshëm me ndihmën e tyre, ndihma e fundit dhjetëra milionëshe për FSK-në, andaj mendoj që jemi në rrugën e duhur pothuajse perfekte në aspektin e sigurisë dhe mbrojtjes", ka thënë për RTK-në Arben Dashevci, ekspert i sigurisë.
Paralelisht, kongresisti republikan Keith Self ka propozuar që \1 të ushtrojë presion ndaj Greqisë për ta rishqyrtuar qëndrimin ndaj Kosovës dhe për të mos i penguar anëtarësimin në NATO. Propozimi nuk u miratua, por po konsiderohet mbështetje e madhe amerikane.
Gurakuq Kuçi nga Octopus vlerëson se Kosova është gati për NATO: "Kosova sa i përket aspektit të sigurisë tashmë është duke marrë pjesë në misione ndërkombëtare, ndërsa në aspektin e brendshëm ka treguar një koherencë të vazhdueshme duke iu përgjigjur kërcënimeve të vazhdueshme terroriste dhe paramilitariste të Serbisë."
Ditë më parë, pjesëtarë të FSK-së u nisën së bashku me trupat amerikane drejt Gazës në kuadër të Forcës Ndërkombëtare Stabilizuese.
Burim: Zëri, http://www.zeri.info/aktuale/623060/paketa-amerikane-prej-14-milione-dollaresh-shihet-si-hap-drejt-nato-s/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.