Senatori amerikan Peters bën thirrje për paqe në Shqipëri

Senatori amerikan Gary Peters ka reaguar për përshkallëzimin e situatës në Shqipëri, duke u bërë thirrje autoriteteve që të shmangin përdorimin e forcës ndaj protestuesve paqësorë. Përmes një reagimi publik, Peters ka theksuar se palët duhet të angazhohen për uljen e tensioneve dhe parandalimin e dhunës së mëtejshme. Ai ka lidhur shqetësimin e tij edhe me praninë e komunitetit shqiptaro-amerikan në Miçigan, duke nënvizuar se zhvillimet në Shqipëri prekin drejtpërdrejt shumë banorë të këtij shteti amerikan.

Senatori amerikan ka theksuar se shqiptarët meritojnë institucione që garantojnë të drejtat themelore dhe sundimin e ligjit, duke riafirmuar angazhimin e tij për paqe dhe drejtësi.