Dogana e Durrësit kap 2 orë Rolex dhe 351 puro në një automjet
Mallrat u zbuluan gjatë kontrollit të një automjeti nga Policia Kufitare dhe Dogana, të ndara në 36 kuti të ndryshme.
DURRËS — Dogana e Durrësit, në bashkëpunim me Policinë Kufitare, ka zbuluar dy orë dore me mbishkrimin "Rolex" dhe 351 cigare puro të padeklaruara në një automjet. Mallrat luksoze po tentohej të futeshin në Shqipëri pa iu nënshtruar procedurave ligjore të deklarimit doganor në port.
Sipas autoriteteve doganore, cigaret puro të markave të ndryshme ishin të ndara në 36 kuti. Strukturat përkatëse po vijojnë procedurat e nevojshme për dokumentimin e plotë të këtij rasti dhe për verifikimin e origjinës së mallrave të sekuestruara.
Ndaj personit të përfshirë në këtë tentativë kontrabande do të ndiqen procedurat e parashikuara ligjore për mosdeklarimin e mallrave në kufi. Rasti u bë i ditur pas kontrolleve të shtuara të kryera në Durrës.
Burim: Gazeta Tema
— Redaksia ZHURMA