Sekuestrohen 1.6 kilogramë kokainë dhe luhatet fati i gjashtë të arrestuarve
Poliica zbardh detaje nga operacioni antidrogë ku u vu në pranga edhe ish-ministri Astrit Haraqija.
Redaksia ZHURMA · · 1 min lexim
Në kuadër të operacionit të koduar «Heshtja», policia ka sekuestruar 1.6 kilogramë kokainë me vlerë të mundshme rreth 111 mijë euro, ndërsa operacioni ka sjellë edhe sekuestrimin e pasurisë në vlerë mbi 300 mijë euro. Ky aksion, i zhvilluar përmes masave të veçanta hetimore, ka zbardhur dyshimet për funksionimin e një grupi me strukturë të organizuar dhe nivele të qarta hierarkike nga personat drejtues deri te shpërndarësit në rrugë.
Ndër gjashtë personat e arrestuar në këtë operacion antidrogë bën pjesë edhe ish-ministri i Kulturës dhe ish-anëtari i Këshillit të Përgjithshëm të Lidhjes Demokratike të Kosovës, Astrit Haraqija, i cili dyshohet se ishte pjesë e grupit të organizuar të trafikut të substancave narkotike. Sipas njoftimit zyrtar, njëri nga të arrestuarit është liruar në procedurë të rregullt, kurse pesë të tjerët mbeten të ndaluar.