Sean “Diddy” Combs dyshohet për përleshje në burgun federal

Producenti i njohur amerikan Sean “Diddy” Combs dyshohet se është bërë pjesë e një incidenti dhune brenda burgut federal Fort Dix, në Shtetet e Bashkuara. Sipas të dhënave të transmetuara nga mediat, konflikti ka ndodhur me një të burgosur që mban nofkën “Dudus”. Gjatë kësaj ngjarjeje, ai dyshohet se ka marrë lëndime në kokë dhe dyshohet se është transportuar jashtë burgut për kujdes shëndetësor.

Tensioni besohet se lidhet me pakënaqësitë e shprehura nga disa të burgosur pas një raportimi rreth kushteve dhe trajtimit preferencial që pretendohet se gëzon producenti. Kontrollet e mëvonshme të ndërmarra nga autoritetet, ku u sekuestruan telefona celularë, dyshohet se kanë rritur më tej acarimin. Pas incidentit, të dy të burgosurit raportohet se janë vendosur në izolim për dy javë, ndërkohë që autoritetet e burgut ende nuk kanë dhënë ndonjë konfirmim zyrtar lidhur me arsyet apo vetë ngjarjen.