Pse Sead Halilaj u paraqit sot para Gjykatës së Apelit?
Çfarë dihet për vrasjen e 19-vjeçares Ingrid Kullaj dhe pse Halilaj u dënua me 15 vjet burg?
PRIZREN — Sead Halilaj, i dënuar me 15 vjet burg për vrasjen e 19-vjeçares Ingrid Kullaj, u paraqit sot para Gjykatës së Apelit. Halilaj deklaroi se ishte në vendin dhe kohën e gabuar, ndërsa aktakuza e përshkruan vrasjen e vajzës në vitin 2013 si një akt dinak dhe mizor.
Krimi ndodhi më 4 qershor 2013, kur Ingrid Kullaj, që punonte si valltare dhe këngëtare në një lokal nate, u sulmua me një thikë prej 21.3 centimetrash. Sipas aktakuzës, veprimi u krye në bashkëpunim mes Halilaj dhe Sead Kullaj, vëllai i viktimës, i cili nuk pajtohej me punën e motrës së tij.
Ndërsa Sead Kullaj u dënua më herët, Halilaj u arratis nga Kosova menjëherë pas krimit. Ai qëndroi në eksil deri në vitin 2024, kur u ekstradua nga Britania e Madhe për t’u përballur me drejtësinë në vendin e tij.
Burim: Nacionale
— Redaksia ZHURMA