Samiti BE-BP: Draft-deklarata kërkon zbatimin e marrëveshjeve
Krerët e BE-së kërkojnë zbatimin e marrëveshjeve në samitin e 25 nëntorit, ndërsa kryeparlamentari serb mungon pas takimit me Vassallo.
Redaksia ZHURMA · · 1 min lexim
Krerët e shteteve dhe qeverive të Bashkimit Evropian do të theksojnë se duhet të zbatohen të gjitha marrëveshjet e arritura në dialogun mes Beogradit dhe Prishtinës, të ndërmjetësuar nga BE-ja, sipas një draft-deklarate që pritet të miratohet në përfundim të samitit që do të mbahet më 25 nëntor në Bruksel. Udhëheqësit e shteteve anëtare të BE-së do ta shfrytëzojnë këtë ngjarje për të paralajmëruar se mungesa e normalizimit të marrëdhënieve ndërmjet Prishtinës dhe Beogradit vazhdon t’i pengojë të dyja palët në rrugën drejt integrimit evropian.
Në këtë samit, ku do të mblidhen kryeministri Kurti dhe liderët e rajonit, nuk do të marrë pjesë kryetari i ri i Kuvendit të Serbisë, Aleksandar Çupiç. Mungesa e tij u bë e ditur pas një takimi që ai pati në Beograd me të ngarkuarin me punë të delegacionit të BE-së, Julian Vassallo, që përbënte takimin e parë të zhvilluar nga Çupiç me përfaqësues të BE-së pasi mori mandatin si i pari i Kuvendit.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar