Çfarë parashikon ligji i Salit për përfaqësim të drejtë në Maqedoni?
Zëvendëskryeministri Bekim Sali e prezantoi në Kuvend propozim-ligjin që e ngre përfaqësimin e barabartë në nivel ligjor.
SHKUP — Zëvendëskryeministri i Parë dhe Ministri për Çështje Evropiane, Bekim Sali, mori pjesë në seancën e 68-të të Komisionit për Sistem Politik dhe Marrëdhënie Ndërmjet Bashkësive në Kuvendin e Republikës së Maqedonisë së Veriut, ku u shqyrtua në lexim të parë Propozim-Ligji për Përfaqësim të Drejtë dhe Adekuat.
Gjatë diskutimit u theksua se parimi i përfaqësimit të drejtë dhe adekuat është vlerë kushtetuese që buron nga Marrëveshja Kornizë e Ohrit. Sali deklaroi se ligji "e rregullon këtë çështje për herë të parë në mënyrë të plotë dhe sistemore, duke e ngritur përfaqësimin e drejtë dhe adekuat në nivel ligjor".
Propozim-ligji parasheh që përfaqësimi i drejtë të jetë obligim ligjor për institucionet publike, me mekanizma monitorimi, mbrojtje të vetëdeklarimit dhe parandalim të keqpërdorimeve.
Burim: Telegrafi
— Redaksia ZHURMA