Sa ra pjesëmarrja në zgjedhjet e 7 qershorit në Kosovë?
Prizreni, Prishtina dhe Malisheva shënuan rënien më të madhe të votuesve, me ulje deri në 41.6% në disa komuna.
PRISHTINË — Pjesëmarrja në zgjedhjet e parakohshme të 7 qershorit ra për rreth 20 për qind krahasuar me zgjedhjet e 28 dhjetorit 2025, duke zbritur nga 906 mijë në 725 mijë votues.
Prizreni, Prishtina dhe Malisheva regjistruan rënien më të madhe absolute të numrit të votuesve: 17,523 më pak në Prizren, 14,187 në kryeqytet dhe 11,370 në Malishevë. Por në përqindje, Malisheva kryeson me 41.60 për qind rënie, e pasuar nga Rahoveci (36.97%) dhe Mamusha (33.20%).
Kjo rënie ka penalizuar kryesisht Lëvizjen Vetëvendosje. Në Prizren VV-ja humbi 12,481 vota, në Prishtinë 11,536. PDK-ja gjithashtu ra në të dyja komunat, ndërsa LDK-ja rriti pak mbështetjen në Prizren (+568) dhe AAK-ja në Prishtinë (+941). Në Malishevë, VV-ja ishte e vetmja nga katër partitë kryesore që pësoi rënie (-4,630 vota).
Eugen Cakolli nga Demokracia në Veprim tha se rënia e motivimit të qytetarëve dhe pjesëmarrja më e ulët e mërgimtarëve që votuan fizikisht në Kosovë shpjegojnë këtë trend, pavarësisht se më shumë se 131 mërgimtarë aplikuan për të votuar nga jashtë.
Burim: Gazeta Express
— Redaksia ZHURMA