Sa kundërvajtje iu shqiptuan të dyshuarit që pengoi policinë në Gjilan?

GJILAN — Policia e Kosovës ka lokalizuar një të dyshuar në Gjilan, i cili gjatë ngasjes së motoçikletës nuk iu bind urdhrave të zyrtarëve për t’u ndalur, duke rrezikuar sigurinë e tyre dhe pjesëmarrësve të tjerë në trafik.

Gjatë procedurës për tërheqjen e motoçikletës, i dyshuari pengoi punën e zyrtarëve policorë dhe personelit të autorizuar për bartjen e automjeteve. Prokurori i Shtetit autorizoi nisjen e procedurave kundërvajtëse ndaj tij.

Të dyshuarit iu shqiptuan tetë kundërvajtje: gjashtë për shkelje të rendit dhe qetësisë publike, dhe dy sipas Ligjit për Rregullat e Trafikut Rrugor. Motoçikleta e tij u sekuestrua përkohësisht, ndërsa lënda do të trajtohet në gjykatë. Burim: Insajderi
— Redaksia ZHURMA