Sa do të ngadalësohet rritja ekonomike e Kosovës në 2026?

PRISHTINË — Banka Qendrore e Kosovës (BQK) ka publikuar parashikimet vjetore për ekonominë, duke njoftuar ngadalësim të rritjes ekonomike për vitin 2026. Sipas raportit të miratuar nga Bordi i BQK-së, rritja e Bruto Produktit Vendor (BPV) reale pritet të jetë 3.5%, ndërsa inflacioni do të arrijë në 6.7%.

Në vitin 2025, BPV-ja kishte shënuar rritje prej 3.6%, por me një ritëm më të ngadalësuar krahasuar me vitin paraprak. Konsumi privat mbeti mbështetësi kryesor i rritjes, duke kontribuar me 3.9 pikë përqindje, ndërsa investimet publike rritën kontributin e tyre në 2.9 pikë përqindje. Eksportet neto, megjithatë, patën ndikim negativ prej 3.1 pikë përqindje.

Raporti thekson se rritja e deficitit tregtar ishte rezultat i rritjes së importit të mallrave dhe shërbimeve për 8.8%. Importi i mallrave u rrit për 10.4%, ndërsa ai i shërbimeve u ngadalësua në 3.0%. Nga ana tjetër, eksporti i shërbimeve u rrit për 11.5% falë vizitave të diasporës, por eksporti i mallrave ra për 5.5%.

Për vitin 2026, BQK-ja parashikon se rritja do të mbështetet kryesisht nga kërkesa e brendshme, veçanërisht konsumi dhe eksportet. Konsumi privat pritet të kontribuojë me 3.3 pikë përqindje, i mbështetur nga remitencat dhe kreditë personale. Investimet, megjithatë, do të kenë ndikim negativ prej 1.0 pikë përqindje.

Eksportet neto pritet të kontribuojnë pozitivisht me 1.4 pikë përqindje, falë rritjes së shpenzimeve të diasporës. Importi, nga ana tjetër, do të ndikojë negativisht me 1.5 pikë përqindje. Megjithatë, perspektiva mbetet e ekspozuar ndaj rreziqeve, si tensionet gjeopolitike dhe ngadalësimi i aktivitetit ekonomik në BE.

Në rajon, rritja ekonomike për vitin 2025 vlerësohet të ketë qenë mesatarisht 2.9%. BQK-ja paralajmëron se sfidat globale mund të kenë ndikim të vazhdueshëm negativ në ritmin e rritjes së Kosovës, duke marrë parasysh lidhjet e ngushta tregtare dhe financiare me BE-në.

Burim: Monitor
— Redaksia ZHURMA