Rusia godet me dronë Kievin dhe lë qytetin pa energji e ujë

Forcat ruse kanë goditur me dronë një termocentral dhe objektiva të tjerë të infrastrukturës kritike në Kiev, duke shkaktuar ndërprerje të gjera të energjisë elektrike dhe probleme me furnizimin me ujë në kryeqytetin ukrainas. Kryebashkiaku i Kievit, Vitali Klitschko, deklaroi se sulmet e drejtuara ndaj infrastrukturës lanë pa energji dhe ujë zona të caktuara, përfshirë territorin në bregun e majtë të lumit Dnieper. Kompania e madhe e energjisë DTEK njoftoi se ndërprerjet e pjesshme të energjisë prekën distriktet Obolonskyi, Darnytskyi, Desnianskyi dhe Podilskyi, ndërsa ekipet e shërbimeve dolën në terren për riparimin e dëmeve.

Ndërkohë, në qytetin e Kharkiv-it, kryebashkiaku Ihor Terekhov bëri të ditur se tre persona u plagosën dhe dhjetë ndërtesa banimi u dëmtuan nga një sulm tjetër me dron. Presidenti ukrainas Volodymyr Zelensky vlerësoi vendimin e Departamentit të Shtetit të SHBA-së për autorizimin e blerjes së pesëqind sistemeve anti-raketash Patriot, të konsideruara të rëndësishme për mbrojtjen përpara dimrit të ardhshëm, pavarësisht faktit se dërgesat pritet të fillojnë pas disa vitesh.