Rudina Aliu, bronz botëror në karate universitare

SHKUP — Karatistja Rudina Aliu, nga komuna e Çairit, u kthye nga Brazili me medaljen e bronztë të Kampionatit Botëror Universitar të Karatesë. Kryetari i komunës, Izet Mexhiti, e priti zyrtarisht dhe e cilësoi arritjen si «promovimin më të mirë» të Çairit dhe vendit në arenën ndërkombëtare.

«Çairi vazhdon të nxjerrë kampionë. Çdo medalje e fituar nga sportistët tanë është krenari për të gjithë ne dhe motivim për gjeneratat e reja» — u shpreh Mexhiti gjatë pritjes zyrtare. Kryetari premtoi mbështetje të vazhdueshme: «Do të vazhdojmë të mbështesim talentet tona, sepse investimi te të rinjtë është investim në të ardhmen.»

Burim: Tetova Sot
— Redaksia ZHURMA