Ronaldo fiton 625 milionë euro te Al Nassr, rekord absolut në futboll
Pjesa më e madhe e shumës, 595 milionë euro, ka ardhur nga paga bazë gjatë tre viteve e gjysmë te Al Nassr.
RIADH — Portugezi Cristiano Ronaldo ka fituar rreth 625 milionë euro që kur iu bashkua Al Nassrit, duke u bërë futbollisti me kontratën individuale më fitimprurëse në historinë e sportit, sipas FootballTweet, të cituar nga Insajderi. Shifra mbulon më pak se katër vite në Arabinë Saudite.
Pjesa më e madhe e shumës ka ardhur nga paga bazë: 595 milionë euro gjatë tre viteve e gjysmë me klubin e Riadhit. Kjo shifër vetë e kalon vlerën e shumicës së kontratave më të mëdha në futbollin evropian.
Përveç pagës, Ronaldo ka marrë edhe bonuse për performancën në fushë: 11 milionë euro për 129 gola të shënuar dhe 1 milion euro shtesë për 23 asistime gjatë qëndrimit te Al Nassr.
Sulmuesi ka përfituar gjithashtu 8.5 milionë euro për fitoren e dy "Këpucëve të Arta" dhe 8.5 milionë euro të tjera pasi ndihmoi Al Nassrin të shpallej kampion i Ligës Profesionale Saudite.
Burim: Insajderi
— Redaksia ZHURMA