Si u riktheu Rihanna në skenë pas një mungese të gjatë?
Këngëtarja u bashkua me Jay-Z përpara 40 mijë personash në Yankee Stadium të Nju Jorkut gjatë koncertit 'Extra Innings'.
NJU JORK — Rihanna u rikthye në skenë duke iu bashkuar Jay-Z në natën përmbyllëse të serisë së koncerteve “Extra Innings” në Yankee Stadium. Para një publiku prej mbi 40 mijë personash, artistja interpretoi hitin “Bitch Better Have My Money” dhe bashkëpunimin e njohur “Run This Town”, duke pranuar se i kishte munguar performanca live.
Koncerti përmbyllës u nis me disa orë vonesë për shkak të problemeve me hyrjen e spektatorëve. Jay-Z shpjegoi se organizatorët pritën derisa situata të ishte e sigurt për mijëra njerëzit që ndodheshin jashtë ambienteve, por përfundimisht dhuroi një spektakël prej tri orësh me rreth 50 këngë nga karriera e tij.
Ngjarja shërbeu si një homazh për përvjetorët e albumeve ikonike “Reasonable Doubt” dhe “The Blueprint”. Përveç Rihannës, në skenë u ngjitën emra tëtër të industrisë muzikore si Beyoncé, Usher, Pharrell Williams, Teyana Taylor, Clipse, Jeezy, Fat Joe, Jadakiss, Swizz Beatz dhe The-Dream, duke krijuar një nga netët më të mëdha të muzikës.
Kjo dalje nënvizon historinë e gjatë profesionale mes të dyve, pasi Jay-Z luajti një rol kyç në fillimet e karrierës së këngëtares duke e afruar me kompaninë Def Jam Recordings. Bashkëpunimi i tyre ka mbetur një nga më të suksesshmet në industrinë e muzikës pop dhe hip-hop gjatë dekadave të fundit.
Mbrëmja u mbyll rreth orës 03:00 të mëngjesit me këngën “Encore”, ndërsa qielli mbi stadium u ndriçua nga fishekzjarrët. Rikthimi i Rihannës shkaktoi reagime të shpejta në rrjetet sociale, ku fansat shprehën emocionin për rikthimin e saj në skenë pas një periudhe të gjatë.
Burim: Gazeta Tema
— Redaksia ZHURMA