Revista "Ili i Arbëreshvet" nisi botimin para 130 vjetësh
Katër numra, deri më shkurt 1897 — u botua në zbatim të vendimeve të Kongresit të Parë Gjuhësor Shqiptar.
KORILIANO KALABRO — Revista "Ili i Arbëreshvet" ("La Stella degli Albanesi") nisi botimin para 130 vjetësh, në fillim të gushtit 1896. E drejtuar nga arbëreshi Antonio Argondica, botohej kryesisht në italisht, me pjesë edhe në arbërisht.
Jeta e saj qe e shkurtër — vetëm katër numra, deri më 4 shkurt 1897 — por ajo mbetet gurthemeli i shtypit arbëresh pas një ndërprerjeje disavjeçare të botimeve periodike. U shndërrua në tribunë të ruajtjes së gjuhës, kulturës dhe identitetit të arbëreshëve të Italisë.
Në numrin e parë, programi editorial "Ai lettori Albanesi" e përshkruante revistën si një "pëllumb lajmëtar", simbol i paqes e i bashkimit shpirtëror të shqiptarëve, por njëkohësisht besnik ndaj shtetit italian. Revista u botua në zbatim të vendimeve të Kongresit të Parë Gjuhësor Shqiptar të vitit 1895, nën kryesinë e Jeronim De Radës, dhe pasqyroi punimet për Alfabetin e Korilianos, përpjekje për standardizimin e shkrimit të arbërishtes.
Burim: Dielli, https://gazetadielli.com/130-vjet-me-pare-nisi-botimin-ne-koriliano-kalabro-revista-ili-i-arbereshvet-la-stella-degli-albanesi/
— Redaksia ZHURMA
