Reforma në Kodin Zgjedhor: Çfarë u shqyrtua në seancën e tetë?
Ministria e Drejtësisë njofton se zgjidhjet e harmonizuara për ndryshimin e Kodit Zgjedhor do të inkorporohen në projektligj gjatë javës së ardhshme.
Redaksia ZHURMA · · Përditësuar · 1 min lexim
SHKUP — Grupi i Punës për Reformën e Legjislacionit Zgjedhor ka mbajtur seancën e tetë të tij, ku u trajtuan çështjet e mbetura të hapura rreth ndryshimeve në Kodin Zgjedhor. Ky takim u fokusua në shqyrtimin e propozimeve të dorëzuara gjatë procesit, njofton Ministria e Drejtësisë.
Në këtë seancë morën pjesë përfaqësues nga institucione të ndryshme, të cilët më parë kishin paraqitur propozime dhe rekomandime. Ata patën mundësinë të jepnin shpjegime shtesë direkt para anëtarëve të grupit, me qëllim që të sigurohej një debat më i plotë dhe i argumentuar.
Zgjidhjet e harmonizuara pritet të inkorporohen në tekstin e Projektligjit për ndryshimin dhe plotësimin e Kodit Zgjedhor gjatë javës së ardhshme, i cili më pas do t'u dërgohet anëtarëve për komente të mëtejshme.
Burim: Telegrafi
— Redaksia ZHURMA
