Rama: Sheshi «Xhorxh Bush» do të kishte përfunduar pa bllokadën dyvjeçare të Qeverisë

Kryetari i Komunës së Prishtinës, Përparim Rama, ka dalë në terren bashkë me drejtorët komunalë të premten, më 13 nëntor 2026, për të parë nga afër mundësitë e përshtatjes dhe rregullimit të hapësirës ku ndërtohet sheshi «Xhorxh Bush» për festat e fundvitit.

Sipas njoftimit të tij në rrjete sociale, punimet në këtë pjesë të kryeqytetit po vazhdojnë ende, ndërsa qarkullimi i këmbësorëve është vështirësuar gjatë javëve të fundit për shkak të ndërhyrjeve. Janë bërë pothuajse dy vite prej kur Komuna e Prishtinës ka rinisur punët në këtë projekt. Gjatë vitit të kaluar, ndërhyrjet u ndërprenë disa herë me vendim të Ministrisë së Kulturës, çka solli akuza reciproke për abuzim me pushtet dhe paralajmërime për padi gjyqësore mes nivelit lokal dhe atij qendror. Nivelin lokal e ai qendror kanë përplasur qëndrimet, ndërsa në katër muajt e fundit punimet kanë vazhduar me intensitet më të lartë, duke synuar zgjerimin e sheshit deri te zona e njohur si «Rrethi me flamur», projekt për të cilin Komuna e Prishtinës ka planifikuar 3.5 milionë euro.

Në lidhje me ecurinë e punimeve, Përparim Rama ka deklaruar se projekti do të kishte përfunduar tashmë nëse nuk do të ekzistonte një bllokim dyvjeçar nga pushteti qendror. Ai po ashtu pohoi se bllokadat nuk do t'i penalizojnë qytetarët dhe se kryeqyteti do të jetë një vend feste e pozitiviteti gjatë periudhës festive.

Vitin e kaluar, dekorimi i shesheve kryesore të Prishtinës ishte realizuar me vonesë, vetëm pak ditë para shënimit të festave të fundvitit, ndonëse me parashikim kishin nisur aktivitetet si tregu dimëror «Verë n'Dimër». Komuna e Prishtinës e kishte arsyetuar atëherë vonesën e vendosjes së dekorimeve me procedurat e prokurimit publik.

Në postimin e tij në Facebook, Rama ka shkruar: «Mos me na pas blloku qeveria Kurti jashtëligjshëm për dy vjet, sot sheshi ‘Xhorxh Bush’ kish qenë i përfundum. Sidoqoftë, bllokadat e tyre nuk kanë me i penalizu qytetarët. Prandaj, sot dola në terren bashkë me drejtorët e Komunës, me pa nga afër qysh me e përshtatë sheshin për festat e fundvitit. Ata blloko, na gjej alternativa! Prishtina ka me qenë vend i festës dhe i pozitivitetit».