Rama paralajmëron padi ndaj Kërçelit për shpifje rreth shiritit nëntokësor

Kryetari i Prishtinës, Përparim Rama, ka paralajmëruar ndjekje të rrugës ligjore ndaj deputetit të Lëvizjes Vetëvendosje, Ilir Kërçeli, pasi ky i fundit kishte ngritur shqetësime lidhur me koston e një projekti komunal. Rama ka deklaruar se pretendimet e deputetit përbëjnë shpifje dhe kanë për qëllim dezinformimin e publikut rreth shpenzimeve publike.

Sipas sqarimit të dhënë nga i pari i kryeqytetit, vlera prej 8.50 eurosh për metër përfshin shumë Më shumë se vetëm materialin, duke mbuluar transportin, angazhimin e punonjësve, shtrirjen në kanal, si dhe garancinë dhe mirëmbajtjen pa kosto shtesë për një periudhë dhjetëvjeçare. Ai ka theksuar se ky element shërben për paralajmërimin e kabllove elektrike dhe mbrojtjen e punëtorëve gjatë gërmimeve të ardhshme nga ndërmarrjet publike. Procedura e këtij prokurimi, sipas tij, është shqyrtuar edhe nga organet e hetuesisë dhe institucionet e tjera mbikëqyrëse.