Bajrami: Mbi 250 mijë qytetarë morën leje qëndrimi në BE gjatë 2020-2025

Deputetja e Lidhjes Demokratike të Kosovës (LDK), Hykmete Bajrami, ka kritikuar kryeministrin Albin Kurti lidhur me të dhënat për punësimin dhe largimin e qytetarëve nga vendi. Sipas saj, derisa kreu i ekzekutivit mburret me krijimin e 85 mijë vendeve të reja të punës, shifra e qytetarëve që kanë marrë leje qëndrimi në shtetet e Bashkimit Evropian gjatë periudhës 2020–2025 i kalon 250 mijë.

Bajrami ka vënë në pah se ky numër është afër trefishi i vendeve të reja të punës të pretenduara nga qeveria. Ajo ka thënë se ekzekutivi po e mohon një realitet të dhimbshëm, ku qytetarët e Kosovës detyrohen ta kërkojnë të ardhmen e tyre jashtë kufijve të vendit.