Vazhdo leximin
⌕ ☆
Politikë

Qeveria refuzon shfuqizimin e ligjit për Zonat e Mbrojtura

Këshilli i Ministrave ka miratuar vendimin për të dhënë mendim kundër nismave të deputetëve për shfuqizimin e ndryshimeve ligjore.

Redaksia ZHURMA · · 2 min lexim

Këshilli i Ministrave ka miratuar vendimin për dhënie mendimi mbi projektligjet e paraqitura nga deputetët Redi Muçi i Lëvizjes Bashkë dhe Ina Zhupa nga Partia Demokratike. Këto nisma synonin shfuqizimin e ndryshimeve të vitit 2024 në ligjin për Zonat e Mbrojtura, të cilat i hapën rrugë miratimit të projektit turistik të Zvërnecit, një investim i lidhur me Jared Kushner, grupin Kastrati dhe investitorë nga Katari.

Qeveria refuzon shfuqizimin e ligjit për Zonat e Mbrojtura
Foto: report.al

Toka e parashikuar për këtë mega-resort ndodhet brenda peizazhit të mbrojtur natyror Vjosë-Nartë, zonë ku strehohen qindra specie të rralla dhe shpendë shtegtarë si flamingo, të cilët frymëzuan protestat qytetare që nisën në muajin maj. Megjithëse projekti aktualisht mbetet i ngrirë në pritje të vlerësimeve mjedisore dhe konsultimeve të premtuara nga kryeministri, qeveria argumenton se ndryshimet e propozuara krijojnë pasiguri juridike për projektet në vazhdim.

Në dokumentin e dërguar në Kuvend, qeveria thekson se propozimet nuk përmbajnë analizë të plotë të pasojave juridike, ekonomike e mjedisore dhe nuk përcaktojnë dispozita kalimtare për investimet ekzistuese, lejet e dhëna apo procedurat administrative në shqyrtim. Po ashtu, Këshilli i Ministrave i është referuar vendimit të Gjykatës Kushtetuese që rrëzoi kërkesën për shpalljen antikushtetuese të ligjit, duke vlerësuar se argumentet e deputetëve nuk mjaftojnë për shfuqizimin e tij. Ndërkohë, në qershor Parlamenti Europian miratoi një rezolutë që i kërkonte qeverisë shqiptare shfuqizimin e ndryshimeve ligjore në fjalë.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Tokbashqe, Prishtinë 19 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. KEDS: Ndërprerje të rrymës të mërkurën për shkak të punimeve

    27% e leximeve arrijnë 75% të artikullit kronike

  2. Arrestohet i dyshuari për vrasjen në Suharekë

    36% e leximeve arrijnë 75% të artikullit kronike

Pyet Zhurmën
Shërbime, enciklopedi dhe lajme