Qeveria demanton LSDM-në për kontratën me ujin në Gostivar

GOSTIVAR — Qeveria reagoi sot me demant kundër pretendimeve të LSDM-së se kontrata për furnizimin me ujë të pijshëm në Gostivar u lidh me negociata drejtpërdrejta pa shpallje publike. Në një reagim zyrtar, qeveria theksoi se procedura u zhvillua nga Shërbimi për Punë të Përgjithshme dhe të Përbashkëta dhe kontrata u fitua nga kompania "Kozhuvçanka" përmes një tenderi.

LSDM-ja më parë kishte deklaruar se qeveria e Mickoskit, përmes SHPPP-së, lidhi kontratë me vlerë 100.000 euro për blerjen e ujit të ambalazhuar, duke pretenduar se procedura u krye nga drejtori Ivica Tomovski pa njoftim publik. Partia opozitare thekson se kompania është në pronësi të kryetarit të Komunës së Kavadarit.

Qeveria e quan këto pretendime "gënjeshtra të paskrupullta dhe të turpshme" dhe thotë se synojnë manipulimin e opinionit. Sa i përket çmimit, qeveria sqaron se një shishë 1,5 litrash që në shitje me pakicë kushton 25 denarë, ofrohet qytetarëve me 12,5 denarë, sepse kompania kontribuon me pjesën e saj për të ndihmuar në kushtet e krizës.

Nga qeveria theksohen se faket janë të qarta dhe lehtësisht verifikueshme, duke apeluar që LSDM-ja të ndalojë me "gënjyeri të paskrupullt". Qeveria mbetet konsekuente në premtimin që qytetarët e Gostivarit do të furnizohen me ujë të sigurt për pije derisa ekspertët të konfirmojnë se uji nga sistemi është i rregullt.

Burim: Shenja
— Redaksia ZHURMA