Pse kërkon Veliaj anulimin e emërimit të Ols Dados si prokuror?

TIRANË — Sot në orën 13:00, Gjykata Administrative do të mbajë seancën e radhës në çështjen midis kryebashkiakut të Tiranës, Erion Veliaj, dhe prokurorit të posaçëm Ols Dado. Veliaj kërkon anulimin e dekretit presidencial të vitit 2008, i cili emëroi Dadon prokuror pa përfunduar Shkollën e Magjistraturës.

Padia synon edhe Presidencën, e cila nën drejtimin e Bamir Topit në atë kohë, lëshoi dekretin e emërimit. Shoqata "Asociacioni Kombëtar i Medias dhe Drejtësisë" ka kërkuar të përfshihet në proces, duke argumentuar se çështja ka interes publik dhe prek integritetin e sistemit të drejtësisë.

Seanca e fundit u shty për t’u lejuar palëve të shqyrtojnë kërkesën e shoqatës. Vendimi i Gjykatës Administrative mund të ndikojë drejtpërdrejt në statusin ligjor të Dados si prokuror.

Burim: Shqiptarja
— Redaksia ZHURMA