Pse “Quartz” e rendit Shqipërinë mes vendeve më premtuese?
Sipas revistës, plazhet e Rivierës dhe shtigjet e Alpeve ofrojnë bukuri të ngjashme me destinacionet e njohura evropiane, por pa fluksin e turizmit masiv.
TIRANË — Revista franceze “Quartz” e ka renditur Shqipërinë mes destinacioneve më premtuese në botë, duke u sugjeruar udhëtarëve ta vizitojnë atë përpara se të përballet me turizmin masiv. Ekspertët e huaj vlerësojnë kombinimin unik të bregdetit të Adriatikut dhe Jonit me peizazhet mbresëlënëse malore të Shqipërisë.
Në shkrimin e saj, revista thekson se plazhet e Rivierës Shqiptare, duke nisur nga qyteti i Sarandës e deri në kufirin me Greqinë, ofrojnë ujëra të kristalta e fshatra piktoreskë që krahasohen me Bregun Amalfi në Itali, por me avantazhin e madh se nuk vuajnë ende nga mbipopullimi turistik.
Përveç detit, vëmendje u është kushtuar Alpeve Shqiptare dhe fshatit të Thethit, ku shtigjet e ecjes dhe arkitektura tradicionale me shtëpi guri ofrojnë një përvojë autentike. Kjo plotësohet nga gastronomia lokale me prodhime të freskëta deti dhe rakinë tradicionale, të cilat ruajnë ende karakterin e tyre të paprekur lokal.
Shqipëria renditet në këtë listë së bashku me vende si Mali i Zi, Italia apo Meksika, duke u konsideruar si një vend që po pëson përmirësime në infrastrukturë bur pa humbur mikpritjen. Sfidë kryesore për vendin mbetet ruajtja e këtij autenticiteti përballë flukseve që pritet të rriten në vitet në vijim.
Burim: ATSH
— Redaksia ZHURMA
