Adelina Ismaili publikon këngën "Ushtarit tim" pas zhvillimeve në Hagë
Këngëtarja e njohur ka reaguar përmes një postimi në rrjetet sociale duke shprehur mirënjohje për luftëtarët e lirisë.
Redaksia ZHURMA · · Përditësuar · 1 min lexim
Këngëtarja e njohur shqiptare, Adelina Ismaili, ka ndarë me ndjekësit e saj një pjesë nga projekti muzikal i titulluar “Ushtarit tim”. Ky reagim i saj vjen pas zhvillimeve të fundit dhe aktgjykimit të Dhomave të Specializuara të Kosovës për ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi.
Përmes një postimi në llogarinë e saj zyrtare në Instagram, artistja ka sjellë në vëmendje këngën e dedikuar nënave dhe grave që përcollën familjarët e tyre në luftën çliritore të Kosovës. Krahas videos, ajo ka përcjellë një mesazh falënderimi për luftëtarët e rënë, duke theksuar se sakrifica e tyre mundësoi lirinë dhe se UÇK-ja mbetet e shenjtë për jetë e mot.
