Pse Parku Kombëtar i Tomorit tërheq turistë francezë?
Çfarë eksperiencë unike ofron parku për vizitorët e huaj dhe vendas?
BERAT — Parku Kombëtar i Tomorit ka mikpritur një grup turistësh nga Franca, të cilët eksploruan shtegun "Qafa e Skurës – Kalaja e Tomorit" nën shoqërimin e specialistëve të Agjencisë së Zonave të Mbrojtura (AdZM) Berat. Gjatë itinerarit, vizitorët u njohën me vlerat natyrore, historike dhe kulturore të parkut, duke përjetuar peizazhet mbresëlënëse dhe trashëgiminë e zonës.
Parku dallohet për biodiversitetin e tij të theksuar, me katër kate bimore dhe lloje të rralla shtazore. Ndër ta, 11 lloje amfibësh, 19 lloje zvarranikësh dhe 141 lloje shpendësh, duke përfshirë bretkosën barkverdhë dhe bollën laramane. Kullotat subalpine dhe pyjet e dushkut, ahut dhe halorëve e bëjnë atë një ekosistem unik.
Përveç rëndësisë shpirtërore për shqiptarët, Tomori po bëhet gjithnjë e më i preferuar nga turistët e huaj. Vizita e turistëve francezë konfirmon potencialin e tij si destinacion turistik të qëndrueshëm, ku natyra dhe kultura bashkohen në një eksperiencë të pashpjegueshme.
Burim: ATSH
— Redaksia ZHURMA