Pse kosovarët e vënë bukurinë para shëndetit?
Dentistja Nora Goga-Demolli thotë se qytetarët në Kosovë shpesh e lënë kujdesin shëndetësor në plan të dytë për të prioritizuar pamjen e jashtme.
PRISHTINË — Dentistja dhe estetistja Nora Goga-Demolli ka folur për qasjen që qytetarët në Kosovë kanë ndaj procedurave estetike dhe kujdesit për shëndetin. Ajo në emisionin “Shoqet” në Klan Kosova tha se sipas saj, bukuria shpesh vendoset në plan të parë te qytetarët tanë, duke lënë shëndetin në plan të dytë.
Goga-Demolli u shpreh se nuk është kundër kujdesit për pamjen e jashtme, por vuri në dukje se prioritet kryesor duhet të mbetet shëndeti. Sipas estetistes, ndonëse rregullimi i pamjes është i rëndësishëm për shumëkënd, ai nuk guxon ta zëvendësojë asnjëherë përkujdesjen për shëndetin fizik të individit.
“Jemi vet si popull që prioritet e kemi bukurinë. Nuk është keq, nuk jam kundër, por prioritet është shëndeti”, tha dentistja. Sipas saj, kujdesi ndaj shëndetit është ai që duhet të mbetet fokusi kryesor i secilit njeri në jetën e përditshme.
Burim: Klan Kosova
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.