Pse gazi amerikan është çështja më e ndjeshme në marrëdhëniet Kosovë–ShBA?
Martin Vulaj: Kosova në udhëkryq me pasoja të mëdha nëse nuk zgjidh krizën me Shtetet e Bashkuara.
PRISHTINË — Marrëdhëniet ndërmjet Kosovës dhe Shteteve të Bashkuara të Amerikës (ShBA) po përjetojnë një periudhë të tensionuar, me çështjen e gazit amerikan në qendër të fërkimeve. Martin Vulaj, kryetar i Këshillit Shqiptaro-Amerikan, deklaroi se kjo çështje ka qenë ndjeshme qysh prej Pavarësisë dhe tani ka arritur një pikë kritike.
Vulaj vuri në dukje se fërkimet e fundit kanë ndikuar negativisht në bashkëpunimin dypalësh, duke përmendur pezullimin e MSC-së dhe dialogut strategjik. "Jemi në një udhëkryq të rëndësishëm dhe duhet të kemi kujdes," tha ai, duke paralajmëruar se moszgjidhja e krizës mund ta sjellë Kosovën "në tryezën e presidentit Trump — jo për të mirë."
Sipas tij, çështja e gazit nuk është vetëm një mosmarrëveshje teknike, por një simbol i tensionit më të gjerë. Vulaj nuk sqaroi se çfarë hapash konkretë duhet të ndërmarrë Prishtina, por theksoi se zgjidhja kërkon vullnet politik. Përplasjet e brendshme politike në Kosovë, sipas mediave, kanë ndikuar në vonesën e përgjigjeve ndaj kërkesave të Uashingtonit.
Burim: Gazeta Express
— Redaksia ZHURMA