Pse po i akuzon BDI-ja krerët e VLEN-it për rrugët e Tetovës?
Opozita shqiptare pretendon se VLEN ka pasur më shumë se një vit kohë për të mbrojtur vendimin e vitit 2007 për toponimet shqipe, por nuk ka reaguar.
TETOVË — Bashkimi Demokratik për Integrim (BDI) ka adresuar akuza të forta ndaj koalicionit VLEN, duke e bërë atë përgjegjës për heqjen e emrave shqip të rrugëve në këtë komunë. Sipas BDI-së, kërkesa për shfuqizimin e emrave shqip në Gjykatën Kushtetuese është dorëzuar që në mars të vitit 2025, por pushteti lokal nuk ndërmori asnjë hap për mbrojtjen e tyre.
Në reagimin e tyre, BDI thekson se pretendimet e koalicionit rival se vendimi për emërtimin e rrugëve gjoja nuk ka qenë në fuqi janë krejtësisht të paqëndrueshme. Sipas opozitës shqiptare, ky arsyetim vetëm sa demaskon dështimin e tyre për të mbrojtur vendimin historik të vitit 2007, duke dëmtuar rëndë dinjitetin kombëtar.
BDI vë në shënjestër kryetarin aktual të Tetovës, Bilall Kasami, duke kujtuar se VLEN-i qeveris me këtë qytet prej pesë vitesh. Ata kujtojnë se Kasami ka qenë pjesë e pushtetit qendror në periudhën 2020–2024 përmes koalicionit "Mozheme", andaj nuk mund të ikë nga përgjegjësia direkte për këtë situatë.
Kjo përplasje vjen pas reagimeve të forta në opinion lidhur me fatin e toponimeve shqiptare në Maqedoninë e Veriut. Ndërkohë, mbetet të shihet se çfarë kërkon Levica pas vendimit për rrugët e Tetovës në këtë mes, teksa BDI insiston se VLEN ka pasur më shumë se një vit kohë për të vepruar.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.