Protestuesit shkruajnë 'Nuk na përfaqësoni' në bulevardin e Tiranës
Instalacioni me 140 'krimba' shënjestroi deputetët, teksa tubimi që kërkon dorëheqjen e kryeministrit mbushi 55 ditë.
TIRANË — Një mesazh simbolik është shfaqur gjatë protestës së qytetarëve në kryeqytet, ku protestuesit kanë shkruar në bulevard një shkrim gjigand me mbishkrimin “Nuk na përfaqësoni!”. Ky instalacion i ri u vendos në hapësirën ku po zhvillohet tubimi kundër qeverisë.
Ndër pankartat që ra më shumë në sy ishte edhe një shkrim i lënë në tokë ku shkruhej numri 140, mbi të cilin ishin vendosur krimba. Me këtë simbolikë të përdorur, protestuesit i janë referuar 140 deputetëve të Parlamentit të Shqipërisë.
Përmes këtij instalacioni, protestuesit kanë përcjellë mesazhin se përfaqësuesit politikë nuk përfaqësojnë interesat e qytetarëve. Tubimet kundër qeverisë kanë mbushur 55 ditë, me kërkesën kryesore për dorëheqjen e panegociueshme të kryeministrit Edi Rama.
Burim: Almakos
— Redaksia ZHURMA