Protestuesit para Kryeministrisë: Nuk jemi të varfër, jemi të vjedhur
Protesta e nisur para Ministrisë së Arsimit u zhvendos në bulevardin «Dëshmorët e Kombit», ku qytetarët kërkuan dorëheqjen e kryeministrit.
Redaksia ZHURMA · · 1 min lexim
Një protestë e nisur gjatë mesditës para Ministrisë së Arsimit është zhvendosur përgjatë rrugëve kryesore të kryeqytetit, për t'u vendosur përfundimisht në bulevardin «Dëshmorët e Kombit» para Kryeministrisë. Gjatë marshimit nëpër rrugën e Kavajës dhe «Myslym Shyri», pjesëmarrësit u bënë thirrje qytetarëve të tjerë që t'i bashkohen tubimit.
Gjatë zhvillimit të ngjarjes, një protestuese u shpreh se «Nuk jemi të 'varfër jemi të vjedhur o njerëz», ndërkohë që nga tubimi i është bërë thirrje kryeministrit Rama që të japë dorëheqjen. Sipas burimeve, protesta është karakterizuar nga qetësia, ndërsa në terren janë vënë re kordone të shumta të forcave policore që kanë bllokuar kalimin.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar