Protestë para Qeverisë së Kosovës kundër qeverisjes së Albin Kurtit

Një grup qytetarësh janë mbledhur në sheshin “Skënderbeu” para Qeverisë së Kosovës për të protestuar kundër qeverisjes së Albin Kurtit, duke kërkuar dorëheqjen e tij. Organizatori i protestës, Durim Aliu, bëri thirrje që tubimi të jetë paqësor dhe të mos shkaktohen dëme materiale.

Gjatë zhvillimit të protestës janë lëshuar alarme dhe auto-parlantë në shenjë revolte, ndërsa pjesëmarrësit kanë vendosur pankarta me mbishkrime si “Keni dështua” dhe “Nuk bëhet kështu” pranë hyrjes së objektit ekzekutiv. Aliu tha se numri i vogël i protestuesve nuk i zmbraps nga vendimi për të dalë dhe se nuk do të ndalen me protesta.