Pse propaganda serbe përdor fëmijë për dezinformim?

— Grupe nacionaliste serbe kanë propaganduar sot se kinse një polic i Kosovës ka sulmuar një vajzë të vogël që ndodhej në duart e një personi (familjar i saj), gjatë manifestimit të “Vidovdanit” në Gazimestan.

— Në rrjetet sociale si “Telegram” pretendohet se Policia e Kosovës ka arrestuar një prind me fëmijën e tij në krah, por videoja që ato grupe kanë shpërndarë tregon të kundërtën: një zyrtar i Policisë së Kosovës po përpiqet të qetësojë fëmijën që po qante papushim ndërsa një person tjetër e mbante në duart e tij, sipas transmetimit të KosovaPress.

— Eksperti i çështjeve të sigurisë, Gurakuç Kuçi, ka reaguar ashpër ndaj kësaj manipulimi, duke thënë se kjo luftë hibride që u zhvillua të dielën kundër Kosovës duhet të shërbejë si mësim për të rritur kontrollin ndaj propagandës dhe për të forcuar bashkëpunimin me të gjitha mediat në Kosovë dhe më gjerë, duke përfshirë ambasadat dhe rrjetet mediatike ndërkombëtare që mund të dëshmojnë të vërtetën dhe fytyrën destabilizuese të Serbisë.

— Në një postim në Facebook, Kuçi tha: “Synimi i Serbisë me veprime të tilla është të mobilizojë masën kundër shqiptarëve, që ajo të jetë e përgatitur për krime të reja kur t’i jepet mundësia, ndërsa modeli i saj propagandistik është kopje e regjimeve më gjenocidale që kanë ekzistuar dhe që vazhdojnë të ekzistojnë në botë… Videoja tregon krejtësisht të kundërtën. Aty shihet se polici i Kosovës e mbron atë, por për dezinformuesit serbë as videoja nuk është e mjaftueshme, sepse makineria e tyre e baltë i ka këto lajme dhe ngjarje të përgatitura paraprakisht, duke e ditur saktësisht edhe kohën se kur duhet t’i publikojë dhe si duhet të reagojë”.

— Ai theksoi gjithashtu se ky lloj i luftës hibride është ndërtuar sipas modelit dezinformues rus, duke përdorur fëmijët si mjet për të krijuar një pamje negative të Kosovës dhe për të manipular opinionin publik ndërkombëtar.

— Burim: Gazeta Dukagjini, https://www.dukagjini.com/propaganda-serbe-perdori-nje-femije-per-dezinformim-videoja-e-demanton-kuci-kopje-e-regjimeve-gjenocidale/
— Redaksia ZHURMA