Prokuroria kërkon paraburgim për Rrahman Hotin për vrasjen në Suharekë
Prokuroria Themelore në Prizren ka kërkuar caktimin e masës së paraburgimit ndaj Rrahman Hotit për vrasjen e rëndë në Suharekë.
Redaksia ZHURMA · · 1 min lexim
Prokuroria Themelore në Prizren njoftoi se ka kërkuar nga Gjykata Themelore në Prizren caktimin e masës së paraburgimit kundër të pandehurit Rrahman Hoti, i dyshuar për veprat penale «Vrasja e rëndë» dhe «Mbajtja në pronësi, kontroll ose posedim të paautorizuar të armëve». Ngjarja ka ndodhur në parkingun e një qendre tregtare në Suharekë, ku pas një mosmarrëveshjeje për parkimin, i pandehuri dyshohet se ka privuar nga jeta viktimën Sylë Dakaj dhe ka rrezikuar jetën e bashkëshortes dhe vajzës së tij të mitur duke përdorur një armë zjarri të llojit «Sig Sauer».
Sipas njoftimit, viktima ndërroi jetë në Spitalin Rajonal të Prizrenit si pasojë e plagëve të marra. I pandehuri u arrestuar nga Policia e Kosovës, e cila gjatë kontrollit sekuestroi armën, karikatorët dhe fishekët në automjet dhe në banesën e tij. Po ashtu, sipas Prokurorisë, i pandehuri rezulton i dënuar më parë nga autoritetet zvicerane për vrasje.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar