Pse Prishtina mori përsipër projektin e rrethit në Veternik?

PRISHTINË — Kryetari i kryeqytetit, Përparim Rama, ka njoftuar se rrethi në hyrje të Prishtinës nga Gjilani është kryer. Në një postim, Rama ka theksuar se komuna e Prishtinës e ka realizuar këtë projekt, edhe pse ai zyrtarisht i takon Qeverisë qendrore.

Rama ka shkruar se "tash e gjashtë vjet kjo qeveri është marrë me përralla e ofendime e jo me punë", duke shtuar se si kryeqytet e kanë kryer vetë projektin. Synimi është të lehtësohet trafiku dhe qasja për qytetarët e Prishtinës, veçanërisht për ata që vijnë nga Gjilani.

Projekti, sipas tij, do të përmirësojë infrastrukturën rrugore në një nga pikat më të ngarkuara të kryeqytetit. Rama nuk ka dhënë detaje të mëtejshme për koston ose afatin kohor të realizimit, por ka theksuar se komuna ka vepruar për të shmangur vonesat e mëtejshme.

Burim: Insajderi
— Redaksia ZHURMA