Prishtina luan në Kampin Nacional ndaj Vushtrrisë

VUSHTRRI — FC Prishtina do të zhvendoset gjatë këtij muaji në kampin nacional të FFK-së, në Hajvali, shkaku i punimeve që do të nisin në stadiumin “Fadil Vokrri”. Në njoftimin e klubit thuhet se në bashkëpunim me FFK-në është marrë një vendim i tillë për riparimin e fushës, në kuadër të përgatitjeve për ndeshjet e Kombëtares së Kosovës në Ligën e Kombeve. Prishtina ka njoftuar se ndeshja e radhës ndaj Vushtrrisë do të luhet në kampin nacional të FFK-së, pasi ekipi e ka nisur sezonin me dy fitore në shtëpi, ndaj Ballkanit me rezultat 4-2 dhe ndaj Llapit me rezultat të thellë 4-0, ndërsa ndeshja e javës së dytë ndaj Dritës u shty.