Prenkaj: Kosova është vetizoluar ndërkombëtarisht prej mungesës së lidershipit

Diplomati i karrierës, Albert Prenkaj, ka deklaruar se Kosova është vetizoluar në rrafshin ndërkombëtar si pasojë e mungesës së lidershipit. Gjatë një paraqitjeje në emisionin Infomagazine, ai ka komentuar urimin e kryeministrit britanik dërguar kreut të ekzekutivit kosovar, Albin Kurti, duke shtuar se Britania e Madhe përpiqet që institucionet e vendit, si Dhomat e Specializuara të themeluara nga Kuvendi, të ruhen si të tilla.

Prenkaj ka përmendur gjithashtu se është duke u ngritur ose ashpërsuar gjuha diplomatike, ndërsa Marta Kos ka thënë se ka nisur një dialog me institucionet e Kosovës. Sipas tij, zhvillimet në rrafshin global përfshijnë një përplasje interesash për pozicionim në rendin e ri gjeopolitik, të ndikuara nga ndërhyrja e Rusisë në Ukrainë dhe krizat e brendshme politike në vendet e Bashkimit Evropian.

Ai ka vlerësuar se ky kaos në Evropë përbën rrezik për sigurinë dhe ekonominë, duke u reflektuar edhe në Ballkanin Perëndimor përmes ndryshimeve në pushtetin e Serbisë dhe krizës së protestave në Shqipëri, të cilat sipas tij ndikojnë edhe në Kosovë.