Shala: VV është kundër Përparim Grudës sepse ai s’ka komplekse ndaj pushtetit

Analisti Azdren Shala, gjatë një paraqitjeje televizive në emisionin «Kosova Today» në Klan Kosova, ka deklaruar se kryeministri Albin Kurti i ka nënshtruar partitë opozitare. Duke folur rreth zhvillimeve politike, ai ka komentuar deklaratën e Arbërie Nagavcit se ekzistojnë bisedime me PDK-në lidhur me Ligjin për Dhomat e Specializuara, duke e cilësuar këtë si ndërhyrje të Lëvizjes Vetëvendosje në punët e brendshme të kësaj partie opozitare. «Ajo që tha Nagavci se janë në bisedime me PDK-në për Ligjin për Specialen, me përkthy, i bie që Vetëvendosja tash ia përcakton edhe kryetarin PDK-së. Ligji u kthye për kryetarin, për ta goditur kandidatin», ka deklaruar Shala. Sipas tij, Lëvizja Vetëvendosje është hapur kundër Përparim Grudës, duke shtuar se «Gruda është politikan pa komplekse ndaj pushtetit dhe i pashantazhuar». Përplasjet mes pozitës dhe opozitës kanë shoqëruar po ashtu diskutimet rreth rendit të ditës në Komisionin Hetimor Parlamentar për veprimet dhe mosveprimet institucionale.

Siç raportoi Zhurma më 23 tetor 2026, Adil Behramaj i del në krah Përparim Grudës për Ligjin e Speciales, ku ish-këshilltari politik i Hashim Thaçit i kishte dhënë mbështetje deputetit të PDK-së në garën për kryetar partie.