Çfarë gjeti Policia e Kosovës në dy shtëpi të pabanuara në Leposaviq?

LEPOSAVIQ — Policia e Kosovës ka sekuestruar një sasi të konsiderueshme armësh, municionesh dhe pajisjesh të ndryshme ushtarake gjatë kontrolleve të kryera në dy shtëpi të pabanuara në fshatin Potokmali të Leposaviqit.

Intervencionit të parë policia i është pranuar më 29 qershor, rreth orës 15:15. Gjatë kontrollit të shtëpisë së parë të pabanuar, forcat e sigurisë kanë gjetur dhe sekuestruar një armë të gjatë, dy krehër me gjithsej 20 fishekë, si dhe dy kuti me sfera metalike për armë gjuetie.

Gjithashtu, në të njëjtin lokacion është gjetur një pajisje specifike: një makineri e përdorur për mbushjen e fishekëve të armëve të gjuetisë, gjë që tregon për një aktivitet të organizuar për përgatitjen e municionit në atë vendndodhje.

Vetëm pak minuta më vonë, rreth orës 15:30, policia ka kryer një kontroll të dytë në një shtëpi tjetër të pabanuar në të njëjtin fshat. Këtu janë sekuestruar një radiolidhje me adapter, një revole me karikator dhe pesë fishekë, si dhe gjashtë krehër me gjithsej 56 fishekë.

Lista e sekuestrimeve në shtëpinë e dytë përfshin edhe një kuti plastike me municion për fishekë gjuetie, 22 kapsulla, vaj për mirëmbajtjen e armëve, pjesë plastike të mbushura me barut, një thikë dhe një këllëf për revole.

Një detaj që tërheq vëmendjen është sekuestrimi i një xhakete ushtarake me mbishkrime të Serbisë, gjë që mund të shërbejë si element kryesor në hulumtimin e pronarëve apo përdoruesve të këtyre shtëpive të pabanuara në këtë zonë.

Për të dy rastet është njoftuar prokurori kompetent, ndërsa Policia e Kosovës ka bërë të ditur se hetimet po vazhdojnë për të sqaruar rrethanat e plota dhe për të identifikuar personat e përfshirë në këto gjetje.

Burim: Lajmi.net
— Redaksia ZHURMA