Policia e Vlorës liron plazhet e zaptuara

VLORË — Policia Bashkiake e Vlorës ka nisur një aksion për lirimin e hapësirave publike në zonat e plazheve, të cilat ishin zaptuar në mënyrë të paligjshme. Aksioni është ndërmarrë pas përfundimit të afateve të vendosura për lirimin vullnetar të këtyre hapësirave dhe pas njoftimeve të përsëritura ndaj subjekteve përkatëse.

Policia Bashkiake e Vlorës thekson se do të vijojë kontrollet dhe ndërhyrjet për lirimin e hapësirave publike të zaptuara në mënyrë abuzive, me qëllim garantimin e aksesit të lirë dhe të barabartë për të gjithë qytetarët dhe pushuesit. Ndërmarrja e Shërbimeve Publike, në bashkëpunim me Policinë Bashkiake Vlorë, do të garantojë aksesin e lirë në këto hapësira.

Burim: Euronews Albania — Redaksia ZHURMA