Policia shënon rekord gjobash në korrik — 2.831 tiketa brenda një dite
Dita e dytë me më së shumti ndëshkime u regjistrua më 14 korrik me 2.723 tiketa, sipas raporteve 24-orëshe të Policisë së Kosovës.
PRISHTINË — Policia e Kosovës ka shënuar një rekord të ri për muajin korrik duke shqiptuar gjithsej 2.831 gjoba trafiku brenda një dite të vetme, më 29 korrik. Të dhënat konfirmojnë se Policia e Kosovës gjobit 2.831 shoferë brenda 24 orësh gjatë kësaj të mërkure, duke shënuar shifrën më të lartë të regjistruar përgjatë gjithë muajit.
Sipas raporteve 24-orëshe të forcave të rendit, pas këtij rekordi dita me ndëshkimet më të shpeshta ishte 14 korriku me 2.723 tiketa. Gjobitje të shumta u regjistruan edhe në ditë të tjera të korrikut, ku spikasin 28 korriku me 2.693 ndëshkime si dhe 23 korriku me gjithsej 2.638 tiketa të shpërndara.
Statistikat tregojnë se mes ditëve më të ngarkuara me dënime ishin edhe 22 korriku me 2.617 gjoba, 16 korriku me 2.610 gjoba dhe 17 korriku me 2.553 sosh. Po ashtu, më 15 dhe 30 korrik u evidentuan nga 2.532 tiketa, gjë që dëshmon se kontrollet e intensifikuara kanë qenë të vazhdueshme gjatë gjithë muajit.
Burim: RTV21
— Redaksia ZHURMA