Policia: Protesta në Prishtinë u mbyll pas mesnatës pa incidente serioze
Gjatë protestës pranë Kuvendit të Kosovës, votoi plotësim-ndryshimin e Ligjit për Dhomat e Specializuara dhe u zgjodh Presidentja e Kosovës.
PRISHTINË — Protesta e mbajtur të martë në sheshet e Prishtinës, pranë Kuvendit të Kosovës, përfundoi pas mesnatës. Sipas Policisë së Kosovës, masat e marra garantuan ruajtjen e rendit publik dhe sigurinë, duke përfshirë mbrojtjen e pronës publike dhe private, si dhe funksionimin e tubimit.
Tubimi nisi në orët e paradites dhe vazhdoi gjatë gjithë ditës, duke përfunduar pas përfundimit të seancës së Kuvendit të Kosovës. Gjatë kësaj seance u votua plotësim-ndryshimi i Ligjit për Dhomat e Specializuara dhe u zgjodh Presidentja e Kosovës.
Policia e Kosovës raportoi se protesta u zhvillua kryesisht në mënyrë të qetë dhe pa incidente seriose. Institucionet e sigurisë theksojnë se përjashtohen hedhja e mjeteve piroteknike dhe fishekzjarrëve nga disa protestues. Autoritetet policore falënderuan qytetarët për bashkëpunimin, zhvillimin e qetë të protestës dhe respektimin e udhëzimeve të dhëna nga zyrtarët, duke kontribuar në ruajtjen e qetësisë publike.