Policia dhe KFOR-i riafirmojnë bashkëpunimin
Takimi u mbajt në Prishtinë me komandantin e KFOR-it, Major Gjeneral Ozkan Ulutas, të shoqëruar nga stafi i tij.
PRISHTINË — Drejtori i Përgjithshëm i Policisë së Kosovës, kolonel Gazmend Hoxha, zhvilloi takim me komandantin e KFOR-it, Major Gjeneral Ozkan Ulutas, i cili ishte i shoqëruar nga bashkëpunëtorët e tij, në Prishtinë, ku të dy palët ripërtëritën rëndësinë e bashkëpunimit për sigurinë e përgjithshme në vend.
Sipas Policisë së Kosovës, palët kanë shprehur gatishmërinë për të vazhduar komunikimin dhe shkëmbimin e informatave, me qëllim forcimin e sigurisë dhe stabilitetit për qytetarët. "Si çdo herë, u vlerësua lartë nevoja e vazhdimit të bashkëpunimit, mirëbesimit dhe realizimit të aktiviteteve të përbashkëta, të cilat ndikoj pozitivisht në rritjen e mëtejme të nivelit të sigurisë së përgjithshme", thuhet në njoftim.
Gjatë takimit në Prishtinë është theksuar rëndësia e koordinimit të vazhdueshëm dhe e veprimeve të përbashkëta ndërmjet Policisë së Kosovës dhe KFOR-it për përmirësimin e sigurisë së përgjithshme në vend, siç e konfirmuan të dy palët.
Burim: Gazeta Metro
— Redaksia ZHURMA
