Policia ndalon një pjesëtar të MUP-it serb në Jarinjë
I ndaluari i cili është nga Kosova po merret në pyetje nga hetuesit, por ende nuk është vendosur nëse do të dërgohet në mbajtje.
JARINJË — Policia e Kosovës ka ndaluar një pjesëtar të Policisë së Serbisë (MUP) në pikëkalimin kufitar të Jarinjës mbrëmjen e së enjtes, më 6 gusht. Rasti është konfirmuar zyrtarisht nga autoritetet policore kosovare, të cilat bënë të ditur se personi i ndaluar është me origjinë nga Kosova dhe aktualisht po merret në pyetje për sqarimin e rrethanave.
Megjithatë, ende nuk janë bërë të ditura dyshimet e sakta që rëndojnë mbi këtë zyrtar policor. Zyrtarët policorë sqaruan se marrja në pyetje nuk nënkupton domosdoshmërisht dërgimin e tij në mbajtje, ndërsa përpjekjet e mediave për të marrë hollësi të tjera nga Policia e Kosovës gjatë mbrëmjes kanë qenë të pamundura.
Burim: Koha.net
— Redaksia ZHURMA